اشعاري مثل ولْدي ماتعق لا 
وحچي البي انصحك ماتعقله 
اليخون الوطن صدقاً مات عقله 
ويعقل اشلون تاأمنو عليه 
........... 
ارباب الإبل نحمي راس ابلنا 
ودرس الوكت مابي راسب النه 
ظُلم اشلون يُقطع راس ابنه 
واحنه احياء نمشي عللوطيه 
........... 
نزف دم المحابر من قلمنه 
وذبل ورد المحنّة من قلمنا 
يلومون الوطن يبچي من قل امنه 
ومادرو بمنة هو اعظم قضية 
.......... 
تشظينه انثرنه ومنحى لمنه 
وعود انطي البقايا منحى لُمنه 
أحلام الوطن تهرب من حلمنا 
وكوابيس الظهر تلتم عليه 
........... 
حزني اعليك يعزف بي كماني 
وطنه وچنت ابني بيك اماني 
عجيبة اليوم افقد بيك اماني 
وانته الچنت مأمن للبريه 
........... 
ربنا انريد منك منحى ربنا 
تحمي اطفال شابت من حربنا 
العراق بعينه يلمح منحر ابنه 
وابنه اللآخ ينحر في خويه