ابوذيات عراقيه حزينه حديثه
ضاع العمر يا صاحب متاهه
وراح التعب وياهم متاهه
درب الدنيا للسالك متاهه
حليم اليتجنبه ويعمل تقيه
..............
الزمن جلب بثوبي وابد ماهاد
وجرح قلبي يا بعد العين ما هاد
انوليت وصحت وين اخوي ماهاد
الف وسفه معاهم هد عليه
..............
احلفت مبجي على افراكك ولا نوح
وبعد ماردد بأسمك ولانوح
يوسف ما ابتلى مثلي ولانوح
ولايعقوب مر مثلي بأذيه
..............
صديجك لاتامن بيه جربه
وحبل الصدك لاتنطي جربه
لاتربط صحيحه كبال جربه
اخاف عليك يسري الصار بيه
..............
جفك لايمسني ... مستحيله
وانا المايستحيلي ... مستحيله
عشرتي وياك صارت ... مستحيله
وانا الممنون اذا تكطع الجيه
..............
غرامك حط لي عله و سل سلاني.......و اخــــير الناس قلبك سلسلاني
اريد اجوي بسلاسل سلــــسل آني......لا قاتلني و لا هو يعــوف إيديه
لحـد المـــوت منــك واصــل آني........و عفتني والف شامت واصلاني
قطع صرت بجفاك و وصل آنـي.......دلمهم خـــــــــــاف تتـــندم عليه
عليــــك اللــــيل كــــله آنا و آنه.........و معاك العتب الحين حان آوانه
اتــــهــدد بالنــــفــاهـــا آنا و آنا........ وينك مو طبـــق دهـــري عليه ّ
ابتلت روحي و لا يخلص بلاها........ و بمحــــبتك ينتــهي قلبي بلاها
بعـــذابك يا حـــلو ربـــك بلاها..........و تضل تنوح كل صبح و مسيه
تغـــيب الروح بغيابك و اردها..........و كتاب الشوق يا مدلل وردها
وروحي بفرقـــتك يذبل وردها...........ماي انت وترد الـــــروح إليه
جاك وماكلتلك ذاك من جاك
نجه كلبي بودادك ليش من جاك
شفت روز بعشكهه شلون من جاك
ماريد المثل بس حن عليه
ــــــــــــ
خدوده كمر جنه من طرفهه
سئلت الناس كلهم من طرفهه
حجيه تكول قصه من طرفهه
ولا ليلى وذئب قصتك عليه
موضوع: ابوذيات عراقيه حزينه حديثه 
