هذا اخر جرح

جبار رشيد

راح العمر والهوى..وعيوني بيهن خلل..
بس كلبي بعدة يشوف.؟
وادري شكتب ما كتب.كلبك وذب القلم..
وجان الورق مهجتي.والنبض جان حروف
لتخاف اعرفه اليجي.يلزم خيوط العقل.
وهم اعرف بلا عقل.كلمن يريد يعوف.
وشيصير بعني واذا ..جيتك علينا بوضع.
خارج عن المألوف
شعلينا خل تشتعل نمشيها لومو حجي.
لو توكف النا سيوف..
العندك وعندي مشن..كدامنة امن شوكت..
لحضرة امام العشك..
أ بنية وكلب من.هوى. مو هذا ذاك الهوى. .
ال بيه الصدك معروف..
والزاير المعتني . متهمه من تزددحم
يعرف شلون يطوف..
وجرحك وجرحي اشتهن.
لمسة نضر وجفوف..
بصفناتنا اشكد بجي. بضنونا اشكد حجي..
وبالحلم متنا اشكثر. .
وشفنا الا جأ وما اجأ..
شفنا البجأ وما بجأ..
وحتى الحجأ وما حجأ..
جانن صدك الطيوف..
والينذبح بالحلم .
ويشوف دم ركبته..
بالصحو ينسى الخوف