انت ليش هسه اجيت..
بعد ما خلصن ادموعي
وبفراكك انه انتهيت..
انت ليش عفت گلبي
وبالهجر وياي ابديت..
شلتك گمر بسنيني
وشما اشوفك عيديت ..
انت ليش هسه اجيت..
خلصن ذيچ الليالي
ولسنين عمري مرمريت..
طشن بدربوبي ذنبهن
وانه لاجلك اتحمليت..
ياحلم بعيوني شلتك
ويامة على جفني طرزيت
وشكثر واهس يجيني
ويامة انطرتك واتأمليت..
وشكثر روحي اشتهتك سيسبان
يلي عله حظي ماورديت..
انت ليش هسه جيت
ياشكاگت طلع برحي
بس وي روحي يبسيت..
ياحسافة ضاع العمر
ويا الف حسافة اتأخريت
وشنهو الي ذكرك بيه
بعد ما بعت بيه واشتريت
هو حظي الي جابك
لو انت لوحدك اجيت..
انت ليش هسه جيت
انت ليش هسه اجيت
انت دمعة بعيوني غفت
وانه منك يسمر آيسيت
شجابك وشذكرك بيه
جنت اظنك للعشرة نسيت
ليش بهلوكت جيتك صارت
وانه عله هجرك اتعلميت
تذكر يوم الوگفنه للوداع
كتلك لاتسافر واتوسيلت
لجن هانت دمعتي يسمر
ولروحي يمدلل ماحسبيت
تگلي اتنسيك الايام
شنسه وانه ابخصرك ابتليت
انت ليش هسه اجيت
وتفتگ اجروح گلبي
ومن جديد انه انتهيت
انه بلوتي وياك بلوة
وبيك وبشوگك اتحيريت
ظليت احومي عله دربك
ويامة عله بابك اتوسديت
چاي تچويني من جديد
والله انه بيك ابتليت

انت ليش هسه اجيت
ترگص اجفوني ابدمعها
وانت بدموعي اتونسيت
عمي خلف الله عليك
ذكرتني وعله بالك مريت
انه قصتي وياك ماتفل
تحلفلي وانه عله نيتي صدگيت
بس گلي انت ليش اجيت