انتظرتك يمتـــــــه تلفي وما لفيت
وكمت افكـر ليش غايب واختفيت
وكمت احس دكاتي بكليبي تصيح
شو عجب هـــــاليوم عني طوليت
وما اجيت شبيك يا ولفي وشجـاك
وهاي اول مــرة تدري اتسودنيت
وما اجيت وانـــــه كاعد منتظركم
وصـارن عيوني دمع لجلك بجيت
وما اجيت شماله كلبك مــــا نخاك
اولا تكلي بيوم مـــــــاشفتك نسيت
ومــا لفيت الوادم انكلبت شمــــاته
اتكلي حل الوحدك هســـــــه بقيت
ومـــا لفيت شمال عينك مــا نختك
لو الك نظـرات من عندي ارتويت
وما اجيت شلون تاليهـــــــا بغيابك
مو وحك الله بجمر كلبي انجــويت