{ ما رايحه}
......
ما رايحه
مارايحه
چنها السنين الرايحه...
مارايحه
چنك أنته ... ذاك أنته
والگلب چن ما هجرته
چني شفتك...من أمس
شفتك أمس
وچنها بس غيبة شمس
غيبة شمس
وچن مشيت البارحه
......
ما رايحه
چنها السنين الرايحه
@@@@@@
مرت أسنين بجفاك
وانا ما ناسي هواك
صدفه شفتك بالدرب
وياك أحس طار الگلب
شفتك.. وچن ما شفتني
أتجاوزتني
وانا لبعينك گمر
وانا الگتلي حبيبي
أنته النظر
تسوي نفسك ما شفتني
وانا أدري
الصوره عندك واضحه
.....
مارايحه
چنها السنين الرايحه
@@@@
من أجيتك...
ما لگيتك
مالگيت...
أسمي ويَّ أسمك
وما شفت .....
بعيوني رسمك
مابقه منك أثر
لا ملامح ...لاصور
شفت غيري....
شايك اسمك
شلون گلي أتبدلت
أشلون گلي أتغيرت
عيونك الحلوات
صارت مالحه
....
لا نداوة شوگ أجيت
أتزور وردي
ولا گمر مريت تسهر
ليله عندي
خلصت كل الليالي
وما أجه طيفك الدافي
بالسهر دمرت حالي
وأنته بالاحلام غافي
مناطرك ترجع ربيع
وتدفع ايام البرد
فراگك أبگلبي خريف
أبگلبي ما خَلّه ورد
كل ورودي...طايحه
.....
مارايحه
چنها السنين الرايحه
@@@@@
ركبت عودك أبضلعي
وگلت يطلع بيه غصن
للاسف مانفع زرعي
عودك أتبين .... تبن
شلون ينسه المطر
فضل أغيومه
شلون ينسه الليل
ضي انجومه
أدري أنته أتجاهلتني
تصنعت...
چن معرفتني
وآنا أدري
أدري عينك
بيه ظلت سارحه
.....
ما رايحه
چنه السنين الرايحه
....
كلمات
ناصر اسماعيل الموزاني