على كد حالي جنت وياك موجود

وعله مودك عبرت جروح وجروح

ومابينت هم لجان لناس

رغم جانت دمعتي بعينه تنوح

ولمحه لخيانه جانت وياك

وغض النظر عنه بساعه وتروح

ورد اعبره خاف صفنه فد يوم

تلاكيه وتصير انسان مفضوح

شكد خاطرك ضل كلبي ناطور

ولأخر عمره ضل شباج مفتوح

مامسموح يدخل ياهوه لكان

ولحضرت جنابك جان مسموح

يمر الليل بيه تخيل شلون

عزراين كاعد ياخذ لروح

وتنشدني عله حالي شفته ياحال

وعمر راح عله بابك عفته مطروح

ونسه عندي جرح من لمته وياي

بعدني بظهر بوي وكلبي مجروح

ووصل أخر محطه حبي وياك

ومامألوف شخصك صار اليه

لن ماعاد عيني تباوع انسان

بس انطي كفاي يخون بيه