منتديات عراقنا الادبية

موضوع: عشرة خناجر الجمعة أغسطس 02, 2013 10:50 pm

عشرة خناجر احجي بيهن اليوم
خمسة بكلبي اني وخمسة بضهري
اعترف بخمسة جروح البكلبي اي
بس غدرتني بضهري وحان وقت هجري
ولك صدري شالك سنين بحسرات
هسه صرت ما تنتخي بصدري
وعليمن جاي انت بهل كلاوات
تتوقع راح اصدك الروحي والعمري
عمي دروبك هذني صارن قديمات
روح العبهن ع غيري من الما يدري
ولك يجي يوم وتنذل الي والله
وتتوسل الي وتدوخ بأمري
تتذكر من جنت اتغزل بيك ايام
ايام جنت اناديك بقمري وبدري
ما حسيت شكد احبك امس والكبلة
اصلآ كلمة الأحساس بدمك ما تسري
جنت اتنفسك جنت اني اهواك
جنت احسك بشرايني انت تجري
هسه صرت تريد بقيمتي بعد الصار
عليك الله مو بعد بدري
جرب البعدي وتشوف اذى الغير
وتصير تتوسل وتفتهم قدري
تريد ارجعلك هسه بعد ما شمتو الناس
مو سووه فيلم وطبعوه الغدري

بقلمي

منتديات عراقنا الادبية

منتدى الشعر الشعبي

عشرة خناجر