شكل لعيوني عنك خاطر تنام
وأنه أعرف بطيفك إلهن شضام
إوياي تغيرت ما أعرف شبيك
وانت الجنت بس اعليه تحتام
اللهفة البيك زغرت والهوى اندار
وكمت بغيري اشمك هاي الايام
(السنة) الجانت وياك تعادل سبوع
أحسها تغيرت عن أول العام
و(النسمة)التجيني بآخر الليل
أحسها بصدري كامت تزرع الغام
عليك الصفنة جانت تسحر الليل
وهدوء وعاطفة واحساس واحلام
بيها أغصان خضرة وي النده تذوب
وبلابل عالشجر تتناكط أنغام
وعشب اخضر بنصها تغازله الريح
وسنابل شكرة تلعب بيها الانسام
وبيها من الفراش جناح طاووس
وقصايد ماكطع وياها الالهام
ومراجيح اشكثر وأطفال وازهور
ونجمة مدللة ماتقبل اتنام
بس يوم الجفيت الهاجس انصاب
وصفت عني تسولف حتى الاصنام
الروضة الجانت بنص صفنتي تعيش
صفت جنها بغيابك ملجأ أيتام
وذبل كل الورد والشمع والليل
وبصدر البلابل نبتت اسهام
وجنايز كمت اشوف بصفنتي عليك
ومكابر بيها ظلت بس العظام
وجفل ذاك الهدوء ونشفت الريح
وتبدل صوت طيري بجرة اقسام
وصفة خيط الفجر بعيونها احبال
وصدر عالورد الاحمر حكم الاعدام
حجر صرت بصفنتي اشلون اطب ليك
وعليك الشعر الاسود لابس احرام
ما اكلك تعال الشوك مريود
ولا أكلك انساني الهاجس انضام
اهي كطعة نفس لو بيه لو بيك
وبالخان بعشرته الباري علام
ويجي يوم القيامة والتقي وياك
وتبين الحقايق من الاوهام
عبالك من تموت للجنة تدخل؟
وبخنجرك سويت دلالي منخل
ـــــــــــــــــــــــ
للجنة ما اخليك تدخل دقيقة
جي شككت بجفاك للحب وثيقة
ــــــــــــــــــــــــــــــــــ
يوم القيامة تصير فك دينك وطب
وانت شكثر مطلوب يناكر الحب
ــــــــــــــــــــــــــــ
من نلتقي انه وياك شتوفي يادين؟
شوغة كلب مكسور لودمعة العين؟؟

منقول

تحياتي