صغت عمري هديه .. بيوم ملكاه
او لاويت الزمن .. مثل الصحره والنوك
او وكفت ابوجه .. كل الناس وياه
عرفني او صرت لَه .. امجرب وعالضوك
أفوّت بالحجي .. او أمري لله
وجلمات العدل .. يسمعها بالبوك
ياخذني المستحه .. او ما تطلع الآه
وكلبي اتفرهد .. من الطيب والشوك
انضرب بيِه المثل .. ما انطَه مكفاه
يخَلّي أكبر ذليل .. عالراس فوك
يتفسر حجينه .. ابقلة الجاه
لا ما عاش إلتعفّرت ..وبركبته الطوك
أنه بطرك إللسان .. إلما يعرف إيعيّل
او قلمي لو كتب .. ايفجّر الثورات
عيشتكم عالحجي .. والقال والقيل
ما شفعت إلي .. وحده من الحجايات
ياطور الحزن .. يابو المواويل
عدنه من الهضم .. يترس اولايات
أوكّف لو تحب .. بس حمل او شيل
وعلى كيفك صفت .. يمفسر الغايات



قيس السهيلي

تحياتي