نشرة أخبار النكات و التحشيش, للعراقيين فقط





مفلس كربلائي دخل مطعم اكل ورة مخلص طلع صرصر خلاه بالاكل صاح لأبو المطعم كله هاي شنو الصرصر بنص الأكل ؟ ابو المطعم كله لتدفع بس استر علينة واحد شافه من العاطلين كله تنطيني صرصر لااكول عليك كله والله ماعندي بس ذبانة اريد اشرب بيها جاي





فد يوم انكليزي وياباني و عراقي من بغداد بمناظرة علمية سألوهم شنو اسرع شي بالكون .. فالانكليزي كال الضوة , بمجرد تضغط على السويج يعلك الضوة , اما الياباني كال لا التفكير لان بجزء من الثانية تجيك فكرة شكبرها وتطبيقها يحتاج سنوات , اما العراقي فكال لا هذا ولا ذاك اسرع شي بالكون هو الاسهال لان من يجيك لا تلحك تعلك الضوة ولاتلحك تفكر .



في اتصال هاتفي على برنامج مباشر (مايطلبه المشاهدين)
اتصل شخص من البصرة وكال اطلب لفتين كص وكطعوا الخط !
وراها اتصل شخص من الموصل كالت اتفضل اخي شنو طلبك كللهة ابو البصرة يكول لتخلون زلاطة هواية وقفلوو الخط!!
وراهة اتصل شخص من بغداد وهم كالت المذيعة اتفضل شنو طلبك جان يكلهة اطلب تستعجلون شوية لان ابو البصرة جوعان وقفلوو الخط همين !!!
جان يتصل شخص من الرمادي المذيعة عصبت وكلتلة اتفضل اخي ياريت تطلب اغنية :
......كللها حبيت اكلكم حسااب ابو البصرة واصل عليه لحد يحاسبه !!!!






اثبتت الدراسات ان اكثر شعوب العالم رومانسية هم العراقيين وللأسباب التالية :

1_ يأكلــوون على اضواء الشموع (وين الكهرباء)

2_ يتمشى الزوج مع الزوجة حتى في المطر(المنكع ما يخاف من المطر) هاي اذا مطرت بالعراق

3_ يجلسون امام موقد النار ويتبادلون الغزل (طبعا نفط وغاز ماكو وميتين برد)

4_ اذا تاخر الزوج اكثر من خمس دقاق تتصل به الزوجة (اتخاف ليكون انخطف أو أنعلس)

5_ تبيع الزوجة كل مجوهراتها من اجل الزوج (علمود تدفع الفدية مالتة من يخطفوه)

6_ يرجع الزوج الساعة الخامسة من اجل زوجته (لأان حظر
التجول يبد أ بالخمسه ونص)







مراحل تطور نغمات موبايل المرأة العراقيه :
.
.
ايام المراهقة:اجمل احساس في الكون (اليسا)

بعد النظره:انت اللي بحبو انا (وائل كفوري ونوال الزغبي)

بعد الخطوبة:احبك ليه انا مدري (عبد المجيد عبد الله)

بعد الزواج:والله وتحقق منايا (راشد الماجد)

بعد الزواج بسنة:شجابني للضيم جنت مدللـه (عماد الريحاني)

بعد5 سنوات: غرامك مزيف ضميرك عدم (لطيفة)

بعد 10سنه:انا انتهيت والله انتهيت وش صار بيه (حبيب علي)

بعد 25 سنة:
لبيك اللهم لبيك، لبيك لا شريك لك لبيك إن الحمد والنعمة لك والملك، لاشريك لك






حوار دار بين عائله عراقيه مقيمه بكندا
الام : وين جنت الليلة الفاتت ؟
الابن :كنت دا اقرة وية اصدقائي
الام : لتجذب !
الابن : خلص .. جنت بالديسكو
... الام : و هم شفت شغلات هناك جان المفروض متشوفها ؟
... الابن : اي ماما .. شفت ابوية



أخبار طلبتنا الأعزاء :
اكو اخوان أثنين واحد اسمه حسن والثاني محمد , محمد كال لحسن روح جيب الشهايد مالتنه و أوصيك اذا لكيت بابا كاعد يمي كلي محمد ايسلم عليك اذا طالع بدرس واحد , واذا بدرسين كلي محمدين ايسلمون عليك واذا بثلاثه كلي محمدون يسلمون عليك راح حسن جاب الشهايد او لكه ابوه كاعد يمه صاحه حسن كله محمد : امة محمد كلها تسلم عليك




· وحده دتباوع على روحها بالمراية

و دتكول لرجلها :

يا الله شكد صايرة بشعة اني و سمنانة
...
انطيني فد كلمة تفرحني لو كلمة اعجاب ؟

كللها :
،
،
،
،
،
،
،

ماشالله نظرج 6/6 !!




· أكو فد وحده داتتفرج هيه و زوجها على مسلسل تركي مدبلج ...

و في لحظة رومانسية جميلة ..

زوجها كلها : كلبي
...
فأبتسمت و كلتله : نعم يا روحي

فكلها : كلبي ع الجزيرة لا أكلب جهرتج





بخيل مصلاوي فتح محل اسواق ابنه حط عينه على الشامبو وكله اريد واحد ؟؟ الاب زينه صفر حته ميحتاجه بعد ؟؟
الولد راح على امه يشكيلها وكللها ابويه زيني صفر لان ردت شامبو.. الام كلتله ؟؟ وليدي احمد ربك محطيت عينك على معذون الاثنان




فديوم حشاش من بغداد الجديده وصار شيخ !!!!!
إجاه واحد گلة شيخنة اني اريد اتوب گلة توب لو دشداشة
گلة لا يعني أقصد توبة گلة والجهال بيش يلعبون؟
گلة لا يعني آني تبت گلة تبت لو شامية
گلة لا يعني آني تايب گلة تايب لو عجوز
كلة انعل ابو الي يتوب كلة شبي ترة آحسن من تـويـتـر




سايق تكسي بكراج العلاوي عصبي صعد وياه شيخ متشدد الشيخ بالطريق كله للسايق في عهد الرسول كان اكو راديو السابق كلة لا جاوبة اذن اطفئ الراديو ورة شوية ساله في عهد الرسول كان اكو مكيف كلة لا كلة اذن اطفئ المكيف السايق صعدت عندة الحماوة وكلة للشيخ في عهد الرسول كان اكو سيارات الشيخ كلة لا السايق كلة انزل لعد ياكلب خلي وحدة من قوافل قريش توصلك




اثنين سكرانين بالنجف بالليل ..واحد سأل..ساعه بيش ? كال ما لابس ساعه ..بس عندي طريقه أعرف بيها الوقت ضحك الثاني وكال:قصدك بالنجوم ؟ كال لا.. بالصفارة أستغرب الثاني وسأل شلون..طلع الآول صفارة من جيبه وبلش يصفر يصفر ..طلعت وحدة عصبية من شقتها تعيط بيهم..ياولد ال؟؟ياولد ال؟؟؟أكو واحد يصفر ساعه ثلاثه الصبح؟..





· عندما تنقطع الكهرباء فجأة

***** اللبناني :
الآب : اللهم آجعلو خير
يآولآد آنتبهو منيح
... ...حبيبتي وين الشمعه الحمرآء اللي كانت بسهرة آمبآرح
الآم : هون حبيبي رآيحه جيبا
حبيبآتي مآتخآفو هلآء بترجع الكهربآ

***** العراقي:
يمه يمه أهووووو
بس لا نسينا ننطي فلوس المولدة الله ينتقم منهم
شغلووو موبايلاتكم
هوووووو عوووووو (الاولاد بخوفون بعضهم)
ديرو بالكم كلاص الجاي لحد يوكعه والصينيه محد شالها
دست ع رجلي الله يطيح .... (طوووووووط)
آنتبه لا تدوس ع الولد نآيم بالكاع
روح جيب الجداحه
آسكتوووو فضحتونآ ..
روحو شوفو طفى ع الجيرآن لو بس علينه ^_^

· اليوم شكد بالشهر







فد واحد جان طالع على طريق السياحي بالحله بالسيارة..اشو بالطريق وهو وديسوق طمس بطسة جبيرة وره ما عبر الطسة بمية متر شاف قطعه مكتوب عليها (انتبه جان وراك طسة) ...!






ضابط يسأل جنوده :شتسوون من ترجعون للبيت
الاول كال أسبح واروح لاحمد ابو العرق
الثانى كال اصلى واروح لاحمد ابو العرق
الثالث كال اقرا قران وصلى واصوم
الضابط فرح وحضنه قوى وساله انت منو؟؟
كاله اني احمد ابو العرق ...





محشش من الثورة اتصل ببوش وكله: احب ان ابلغك انو قررنا اعلان الحرب على امريكا ! رد بوش: ممكن أعرف إنتو منو؟
گله آني واصدقائي أبو زلف وأبو السيس وأبو اللبن وكل الحشاشة بالگهوة، يعني8 رجاجيل تقريبا!! رد بوش بضحكة: بس تعرف انه عندي مليونين جندي تحت امري؟
المحشش: هاي معلومة جديدة تحتاج مشاورات دقيقة مع الشباب،
ثاني يوم اتصل المحشش ببوش وگله: بعد مانعلن الحرب على أمريكا، رد عليه بوش باستغراب: وشنو السبب؟
المحشش: الصدگـ غير؟.... ماعدنه مكان يكفي مليونين أسير !!