منتديات عراقنا الادبية

قبل لتصير شاعر!!!
حسين الساعدي

قبل لَتصير شاعر صير! إنسان
واعرف وزن نفسك قبل الأوزان

وإحساسك يحس باللي يعانون
مو تركض تمجد ياهو الجان

والشاعر رسول ابوحيه مَجنون
يرد عاقل إذا ويه الشعر خان!

لا تنتظر صَفكه إمنليصفكون
أريدنك تحس بالصفكه وِجدان

جَم شاعر ابشاعر هسه مَدفون
واشعاره البقت ماطمهه دفان

اكتب لا تضل متقيد ابلون
إكتب للفرح واكتب للاحزان

مو كل الكتابة اتسر العيون
ولا كثرتهه للابداع عنوان

يِصح ديوان أبد مابيه مَضمون
وتصح ومضه جميله التسوه ديوان

صَحيح اكتب شعر ويه اليكتبون
بس كلمة الشاعر الهه مِيزان

وأكفر بالشعر واللي يقَيمون
إذا ساووني مره ابسعر عَريان

الشاعر حسين الساعدي
راق لي

المصدر: منتديات حب عمري - من قسم: قسم الشعر الشعبي - ابوذيه دارمي زهيري

rfg gjwdv ahuv!!hgahuv psdk hgshu]d

منتديات عراقنا الادبية

منتدى الشعر الشعبي

قبل لتصير شاعر!!الشاعر حسين الساعدي