منتديات عراقنا الادبية

عفتك يا صنم!

شكراً للحقيقة الكشفت المظموم
زين اتلاحكت ما زادت أوهامي!

أنه الجَزيتهن بيدي إوبديت اليوم
عمري وما ردت ذَنيجه ايامي!

كلبي الجان واحه ومايعَرف اللوم
شجاني ورحبت بأعصار سونامي!

كاتبلك قصيده وبالورد مَرسوم
راح احرك أشعاري وأكسر أقلامي

وأنطي انذار للهامي العليك ايحوم
وانعل والديه لو يحضر الهامي

مَجروح وأفزلك وبجرح مَلجوم
جنت أنسه الجروح وانته كدامي

لطيوفك أتاني وما اعوف النوم!
هسه النوم عفته وكاره احلامي

وابهامي البصَملك بايعك للدوم!
كَصيته إمن اديه إوناكر ابهامي

فِلمَك محترك وبدورك المَظلوم
ذبيته قَبل لا يحرك أفلامي!

عفتك يا صنم والجاهليه اهموم
مُسلم راح أصيرن وَهجر أصنامي

ما ارجع وأعبدك لا تجي وتلوم!
ما معقول أقبلك واترك اسلامي!

الشاعرحسين الساعدي
راق لي

منتديات عراقنا الادبية

منتدى الشعر الشعبي

مسلم راح اصير واهجر اصنامي-ا بقلم لعملاق الساعدي