منتديات عراقنا الادبية

مسافرين بلا وداع...
مسافرين.....بلا وداع
ولاسمعنه كلمه حلوه
مسافرين....وعزف ناي
بلالحن وبلايه غنوه

مسافرين الصار شنهو
الدمع بعدك صار ضنوه

والله ياضنوة حياتي
انتي ياعشكي ومماتي
انتي ترتيلي وصلاتي
انتي ياشتلي وفراتي
وانتي للدلال سلوه

مسافرين....
وياسفر خلاك تنسى
ايام عشرتنه الطويله
وياسفر هذا الاجاك
وذبل اوراد الخميله
ويامحطه الشالتك؟
وشالت هموم الثجيله
وروحي تنطر بالمحطه
وبنار عذالي اتجوه
مسافرين..بلا وداع
ولاسمعنه كلمه حلوه

يالحبيب.....
الشايل الروح بيمينك
خاف تتعب؟؟؟
انتفض بيدك واعينك
ادري ديدنكم خيانه
وادري غدرك هو دينك
الناس تاكلني بحجيهه
وانه مذبوح بيمينك
ولك حط عيني اعله عينك
خل اكلك يالعزيز....
انه مجبور بغرامك
شلون هم تحسبهه بلوه
مسافرين
مسافرين..بلاوداع
ولاسمعنه كلمه حلوه
روح ارحل يالجفيت
وانت باعدامي رضيت
ريت بالدنيه هنيت
ولاشفت بغيابي بلوه
مسافرين
مسافرين..بلا وداع
ولاسمعنه كلمه حلوه

الشاعر محمد الركابي معجب بهذا

منتديات عراقنا الادبية

منتدى الشعر الشعبي

مسافرين بلا وداع.(للشاغر الكبير مناضل الناصر)