خاف الناس تدري بحبنه انه وياك
وتصير ايام حبنه اوراق محتركه
ولو ماهمني حجي القال والماقال
زرعت بحبي شوك وعاطفه وشبكه
صفه حبي نخل بستان وياك
يبس سعف العليه ومايبس عثكه
انه بحبك صرت مجنون بين الناس
واذا المجنون يعشك ياهو اليصدكه
بس يوم الرحت تدري بدليلي شصار
مثل حال الطفل بدموعه الف شهكه
مثل حال اليتيم الفارك امه بليل
يفز من غبشة الله ايناشغ بحركه
امر من باب دارك وادري ما موجود
ادري اباب دارك ياوفي مسركه
ارد الوحدي بس الدموع وياي
ارد وعيوني تبقه وترجع مدنكه
اكلها هايعيني ما لكيتي الراح
تكلي ما لكيت وبعد ما تلكه
حكم بيك الزمن مايبقه الك ويروح
اقره الفاتحه ولا ترتجي الملكه

.. الشاعر محمد حسين الغرباوي ..