زفني بليله ظلمه بلايه واحد شاف

خليني ستر محتام عل ظلمه

وسولفني فرح بس بشرط مكتوب

لاتلزم قلم وتشخبط الكلمه

درويشه الشمس تطلع تشوف الناس

تطلع عل ظلام تكسر الظلمه

بحسن نيه النده خله الورد معصوم

وعله ألحان الورد شو غنه مواله

مو كلمن يحب يلكه الحبيب وياه

ولا كلمن صعدله حصان خياله

اكو واحد تحبه وتوكف انت وياه

مثل الحيه هوه يغير اشكاله

واكو واحد يدير لبال للحبوه

واكو واحد ابد ماداير الباله

واكو واحد تحطه عكال فوك الراس

واكو واحد يكره الراس ما شاله

النحل صاحب فضل لورده شي معلوم

وابد هذا الورد ماينكر افضاله

واحنه بهل الزمن وكت مدري شبيه

مدري صوج بينه ماعرفناله

خطيه الكاع تعبت ماتشيل الناس

من كثرة هموم الناس شياله

يهد الجبل صوت لفشك - يوصل

ولحد سابع سمه شاجور- يوصل

احذرك من فقير الحال - يوصل

يهد الجبال ضيمه عله الوطيه