جَم تافه ابتافه عنده مليار!!



يكول الساعدي والزمن دَوار
يراويك الصَحيحه والقَبيحه

إخذ مني نَصيحه ابهاي الاشعار
نصيحه وتستَفاد إبهل النصيحه

إذا صارت غَدر لتصير غَدار
وَلو كلمة وَفي صارت شَحيحه!

وأبد لَتبيع سِرك ويه الاسرار
وِالَودَعك سِره لا تبيحه

ولا تخذل دخيل اتعنه مشوار
ذَب روحه عَلى بابَك جَريحه!

تراه البيت بخته ابعتبت الدار
وإذا جاك البخت بالك تزيحه!

وإذا بأيام ما جِهبوك خطار
تِعاين عِتبِتَك ما مستريحه!!

عَزيز النفس تبقى اشلون ماصار
تاج الراس وَأفعالك مُريحه

وإذا دنياك صارت كلهه دولار!
أنته اتباهه بالغيره الصَحيحه

جَم تافه ابتافه عنده مليار!
ساركهن ويضحَك للفِضيحه!

الشاعر حسين الساعدي
منقوول