جنت وحدك صاحبي!


ما يهمني لو بعد أكثر غبت!
عادي بغيابك عشت وتعودت

جنت لو ما اشوفك ابليله أ موت
هسه صار اسبوع عفتك ما متت!

وجنت يَمك أبد ما احب السكوت
هسه من شفتك ولا كلمه كلت!!

وجنت متعود عَليك و عندي صوت
هسه عادي بأسم غيرك صيحت!

وجنت أدوخ ابيوم أشوفنك تفوت!!
هسه ميهمني ولا جَنك فتت !!

وجنت وحدك صاحبي وبالعني حوت
هسه غيرك ترى اِهوايه صاحبت!

وجان كَلبك أحله من بيت اِلبِيوت!
شفته بأحبابك خُبط عَنه رحت!

وجنت أدعيلك ابلحظات القنوت
هسه صرت أدعي عليك ابكل وَكت

يل امساويني اِويه خيط العنكبوت
وبمَشاعر نابضة ما حَسبت!!!

ما ترجعني دمعتك لو تموت!!
جنت غالي وهسه من عيني طحت

جنت غالي وهسه من عيني طحت



الشاعر
حسين الساعدي


منقووول