منتديات عراقنا الادبية

الذيب ما يذبح الذيب
إمن النَحر

يل تكول الذيب غدار إوقَذر!
انته متوهم إولازم تعتذر!

لا تخاف الذيب خاف إمن البشر
ما سمعنه ابذيب بذيابه غدر!

بس سمعنه اهواي مأسات إوعبر
عن بني ادم إوطعنات الضهر!!

الذيب ما يغدر صديقه اشما مكر
بس صديقك بالغدر ضل يفتخر!

هَم سمعت ابذيب فَكر ينتحر!!
لأن من صحبانه ما مره انغدر !

ليش تتهم الذيابه ابهل أمر!
وانته بعيونك شفت كل الصور!

ما سمعنه ابذيب بذيابه انفجر
إولا سمعنه البيهم ابطبع الشمر!

الذيب ما يذبح الذيب إمن النحر
لكن ابنادم على ابنادم كِدر!!

لا تلوم الذيب وتلوم الدهر!!
اوتترك المتهم والجاب القدر!!

شاهد ابدنياك مأسات اشكثر!!!
مو سببها الذيب سواها البشر

حسين الساعدي

منقوول

منتديات عراقنا الادبية

منتدى الشعر الشعبي

ما سمعنه ابذيب بذيابه انفجر!!الشاعر حسين الساعدي