[ٍيكول المثل [ لتضيع المشيتين
________________

شعر : عباس طريم

[ايكول المثل , [ لتضيع المشيتين
وانه ضيعت ممشاي
كله
+
حاير وين ادير ليا جهة العين
واللي ينتخون اليوم
قله
+
صرت مثل العليل .. ابين صاحين
يون , كلمن يسمعه ايكول
خله
+
ومثل مديون .. ويحاذر من الدين
وخلصهه بعسى تفرج
وعله
+

كصدنه الينحسب من الميامين
ساعه وكال : هذه الضيف
وله
+
وكبل لا نحجي , ونسولف جلمتين
حجيكم كال : بدلوه مو
محله
+
يكولون العرب اهل الدواوين
زرتهم .. ما شفت والله
دله
+
ولا ديوان وترن الفناجين
ولا شفنه حمد بالضيف
هله
+
ولا نار التنادي اليمر.. حي هين
ولا الوجه الصبوح .. الحلو
الطله
+
عصاير شفنه , بس موش ابفناجين
ونسكافيه , وبوزه نوع
فله
+
وزنود الست, مع البقلاوة نوعين
وكيك وكعك , ويكلك
تحله
+
وشفنه الموز , والعرموط , والتين
وتفاح , وعنب . مالي
السله
+
سألنه وصحنه : جا وين الصواوين
واجانه الصوت .. ذاك الوكت
وله
+
وصاحو بينه .. بويه انتم مجانين
ياصيوان , ياطركاعة
الله
+
انتو اهل الكهف .. لو جنتو بالصين
ما تدرون عن الكل
تخله
+
الزمان الجنه بي هامات عالين
واجانه زمن .. خل يغدر
ابخله
+
زمن : بي ما صفو بعراكنه اثنين
ولا مسؤول بالحكمة
تحله
+
والبيه انتنومس .. زلمة الزين
جفت دنياه .. وعن الكل
تخله
+
وكرام الناس .. تحت الكاع ميتين
واهل البخت .. كعدو فوك
تله
+
والتنخاه من الكوم الميامين
نخوتك وسط عينه اتصير
سله
+
الكرام : الله خلقهم للمعسرين
ايادي , اتبيض اوجوه
ومظله
+
حسافة اهل البخل صارو جثيرين
سمر وطوال .. ميسدون
خله
+
البخل شفناه , مو بالسمع .. بالعين
وامام النظر للمكبل
تجله
+
الكرام : الجاي صار الهم عناوين
ماي وشكر , حته الضيف
مله
+
وكل ساعه المعزب صاح .. ياسين
ولك صب جاي , حطله شكر
حله
+
واذا صبلك بعد عيني استكانين
معناهه يقدم الكرم
كله
+
افرح للكريم ..النشمي , والزين
وحاذر من بخيل - ن لو
توله
+
الكرم مثل الشجر , من يصف صفين
وبخيت اللي يخيم تحت
ظله
+
انكلبت سيدي اليوم الموازين
اوصلنه الحال , ما واحد
وصله
+
وصارت ناسنه.. مثل الثعابين
يا هو اتحركه .. ينفث بيك
غله
+
الدنيه اتغيرت , واتغير البين
والكل تنتظر منك
الزله
+
يوصينه النبي المختار.. والدين
السؤال الغير رب الكون
ذله
+
عله الدنيه السلام .. وكول امين
ما ظل لليون .. بس رحمة
الله
+
شعر : عباس طريم